მოლოდინები და რეალობა

Tags

, , ,

გადავახტები იმ ნაწილს, ბლოგის მიტოვებისთვის ბოდიშებს რომ იხდიან ხოლმე და პირდაპირ გადავალ ჩემთვის და დარწმუნებული ვარ, ბევრისთვის სასიამოვნო თემაზე — 5 ივნისს თბილისში Deep Purple ჩამოდის სხვა საკმაოდ სერიოზულ და წარმეტებულ ბენდთან ერთად. ვიცი, ძალიან ორიგინალური თემაა და დარწმუნებული ვარ ამაზე არაფერი დაწერილა და არც დაიწერება, მაგრამ მაინც 🙂 მე არ მივეკუთვნები იმ ადამიანთა კატეგორიას, რომლებიც, როგორც კი გაიგებენ, რომ რომელიღაც X ჯგუფი ან მომღერალი ჩამოდის, მომენტალურად მისი/მათი გადარეული ფანები ხდებიან. გნებავთ, სუ გოიმი მეძახეთ, მაგრამ Open Air-ის სტუმარი ჯგუფებიდან მხოლოდ Deep Purple, The Subways, Infected Mushroom, Tricky და Kid Jesus ვიცი… აქედან, Deep Purple-ს დიდი ხანია ვუსმენ და მარტო Soldier of Fortune-ის გამო არ მიყვარს… The Subways — მათი მხოლოდ Rock n’ Roll Queen ვიცი და მიყვარს, ადრეც დამიწერია პოსტი ამ საკითხზე. Infected Mushroom — მხოლოდ ორი სიმღერა ვიცი, მაგრამ ის იმდენად მაგარია, რომ ნამდვილად ღირს სულაც ამ ორი სიმღერის გამო წასვლა. Tricky-ს მუსიკალურ კარიერას საერთოდ არ ვიცნობ, მე ის მეხუთე ელემენტში შესრულებული როლით მახსოვს. აი Kid Jesus უბრალოდ გამიგია, მაგრამ მათი ნახევარი სიმღერაც კი არ ვიცი 🙂

Continue reading

მომსახურების კულტურა…თუ უკულტურობა?!

Tags

, , , , , , , , , , , , , , , , , ,

პირველად გავაცნობიერე, რას ნიშნავს სამსახურით გამოწვეული სტრესი. ბოლო ერთი კვირაა ჩემს თავს ვერ ვცნობ. რაღაც-რაღაცები სამსახურშიც ავურიე, უფროსის უკმაყოფილება დავიმსახურე, რაც ჩემთვის ტრაგედიაა. ამ, დეპრესიულს ვერ ვიტყვი და უფრო სტრესულ ფონზე, ყველა და ყველაფერი ამ ქვეყანაში ჩემს წინააღმდეგ ამხედრდა. არა, საქართველოში რომ მომხმარებლის უფლებები ძაღლის უფლებებზე დაბლა დგას ვიცოდი, ჩემს თავზეც გამომიცდია, მაგრამ ამ ბოლო დღეების განმავლობაში ზედმეტად მგრძნობიარე გავხდი და ყველა, ვინც როგორც კლიენტს აგდებით მომემსახურა, დავცოფე და კარგად გვარიანად მოვუშალე ნერვები. ამ პოსტის დაწერა კი ვივიენის პოსტმა შთამაგონა. მადლობა მას. 🙂

იმდენი თქვენ რა გითხარით

იმდენი თქვენ რა გითხარით

დავიწყებ იმით, რომ მორიგი ბუღალტრული ოპერაციისთვის, (არა, ბუღალტერი არ ვარ) დამჭირდა ბანკში მისვლა, რომ ინტერნეტ ბანკინგის სრული პაკეტი მეყიდა. მაქვს სრული 2 წლიანი მინდობილობა ორგანიზაციის პრეზიდენტისგან, რომელიც მაძლევს თავისუფლებას ვმართო ორგანიზაციის ანგარიში. ჩვენი მინდობილობის გაფორმების დროს, ყოველ შემთხვევაში, ასე იყო, მაგრამ პროკრედიტ ბანკმა გადაწყვიტა, რომ ერთფეროვნება მობეზრდა და შემოიღო ახალი წესი, რომლის მიხედვით, მინდობილობა ყველა ოპერაციაზე არ ვრცელდება თუ მუდმივი არ არის. რაც იმას ნიშნავს, რომ ორგანიზაციის პრეზიდენტს თვითონ მოუწევს ბანკში მოსვლა და ინტერნეტ ბანკინგის სრული პაკეტის შეძენა, რაც გამორიცხულია, იმიტომ რომ გრაფიკი წუთებით აქვს გაწერილი და მართლა არ მოიპოვება თუნდაც 20 წუთი ამ იდიოტური პროცედურისთვის. კულტურულად გავლანძღე პროკრედიტ ბანკი და წამოვედი! აი არ მესმის რა დონის აგდებაა, შეცვალო შიდა კანონმდებლობა, რომელიც პირდაპირ კავშირშია შენს ერთ-ერთ კლიენტთან და არ აცნობო! თან უდიდესი აბსურდია თვითონ ეს ახალი წესიც: მე თუ 2 წლიანი მინდობილობით თანხის გატანა შემიძლია, ეს ძღინკიანი ინტერნეტ ბანკინგი რა გახდა? მაგის ყიდვაშიც ბანკი იღებს სარგებელს, 3 ლარი შესდით მომსახურების ყოველ თვე! სუ კლიენტების წვალების მოყვარულები ვიძახე და წამოვედი!

Continue reading

რა არ უნდა ჩავიცვათ

Tags

, , , , ,

Miranda Priestly: so you don’t read “Runway”?
Andy: no
Miranda Priestly: and before today you have never heard of…me?
Andy: err…no
Miranda Priestly: and you have no style or sense of fashion…
Andy:well…err… i think that depends on what you’re…
Miranda Priestly: no, no! that wasn’t a question!

what a bitch! ისე, ადამიანები რომ უგემოვნობის გამო ისჯებოდნენ, მთელი საქართველო ერთ დიდ იზოლატორში მოვხვდებოდით.

ძალიან, ძალიან რთულია რაღაც სწორად ჩაიცვა, ამიტომ მე გადავწყვიტე, ჩამოვწერო რამდენიმე რეკომენდაცია, რომელიც ძირითადად რაღაცების არ ჩაცმას ეხება, იმიტომ რომ გარდერობში ყველას გვაქვს სულ მცირე ერთი მოდის და სტილის მკვლელი ნივთი 😀

  1. ფეხსაცმელი: ნუ ჩაიცვამთ თეთრ ფეხსაცმელს, კედები გამონაკლისია. არ ვიცი რა უნდა მოხდეს, რომ თეთრი ფეხსაცმელი მომეწონოს, მოდი თეთრ ჩექმაზე კომენტარს არ გავაკეთებ…მაინც რავიცი… თეთრი ფეხსაცმლის წარმოდგენაზე, აი ეს მელანდება  Continue reading

რამდენიმე რჩევა პროგრესულად მოაზროვნის სტატუსის მოსაპოვებლად

Tags

, , , , , , , , , , , , , , , , , , , , , , , , , , , , , ,

მე გაგაცნობთ იმ მოთხოვნების მოკლე სიას, რომელსაც უნდა აკმაყოფილებდეთ, რომ ჩაითვალოთ პროგრესულად მოაზროვნე ადამიანად

  1. უნდა იყო ლიბერთარიანელი მიუხედავად იმისა, ამ სიტყვის მნიშვნელობა იცი თუ არა
  2. წაკითხული უნდა გქონდეს კანტი, ჰეგელი, ჰაიდეგერი, ნიცშე, ფროიდი (ამ უკანასკნელზე ვენებს უნდა იჭრიდე), თან ეს ყველაფერი ინგლისურად, თუ არა და ყველაფერს ფასი ეკარგება. არა, ნუ შეშფოთდებით, ეს სხვის დასანახად იშოვეთ ინგლისურენოვანი გამოცემა, ისე კი ვიკიპედიას მიმართეთ მოკლე შინაარსის და ავტორის მინი დოსიეს გასაგებად
    Image
  3. თუ აღმოაჩენთ, რომ ვიღაც უბადრუკს ოშოს „მდოგვის მარცვალი“ წაკითხული არ აქვს, ან ბერტოლუჩის „მეოცნებენი“ არ აქვს ნანახი, ჯერ დამცინავად ჩაიცინეთ, შემდეგ თავი მაღლა ასწიეთ, ცხვირი აიბუზუეთ და ისე ჩაიარეთ, თითქოს you don’t want to live on this planet any more.
    Image
  4. თუ პროგრესულად მოაზროვნე სასატავი კითხულობს „თხა და გიგოს“, მათ რიგებში თავის დასამკვიდრებლად, თქვენც „თხა და გიგო“ თქვენს სამაგიდო წიგნად უნდა აქციოთ
    Continue reading